За подготовка на овој рецепт се потребни помалку од 70 минути

1. Јајцата и 300 грама шеќер изматете ги со миксер додека добиете пенаста смеса. Потоа додајте 150 милилитри млеко и масло, продолжете да матите, па додајте го брашното и печивото.
2. Половина од добиената смеса ставете ја во плех да се пече, а во другата половина додајте какао и во истото плехче печете го и второто тесто (од целата смеса треба да се испечат две исти теста-едно жолто а друго кафено).
3. За филот: 500 милилитри млеко со 10 лажици шеќер се ставаат на оган, се додава гриз и се вари додека се згусне. Откако ќе се згусне смесата, се додава маргаринот кој е претходно изматен со прав шеќер и се мати сè заедно за да се добие хомогена смеса. Се додаваат и оревите и повторно се меша.
4. Се става прво темното тесто, се премачкува со мармалад по желба, па врз него се премачкува повеќе од половина од филот.
5. Жолтото тесто се премачкува со мармалад, па се става врз филот од таа страна што е премачкана со мармалад.
6. На крајот целата торта одозгора и странично се премачкува со филот и одозгора се наросуваат мелени ореви и парчиња за декорација.