За овој рецепт се потребни помалку од 80 минути

1. Рерната загрејте ја на 170°C.
2. Во еден сад промешајте го брашното со сечканите ореви и со сечканите урми.
3. Поделете ги белките и жолчките.
4. Белките пенасто со миксер изматете ги со малку сол, па постепено лажица по лажица додавајте го шеќерот и матете со миксерот на најголема брзина додека да добиете смеса како цврст снег.
5. Потоа во снегот од белки со лажица измешајте ги урмите и оревите.
6. Смесата распоредете ја врз плех со хартија за печење и убаво израмнете.
7. Печете ја во рерната додека да добие убава боја.
8. Потоа извадете ја од рерна, извадете ја хартијата за печење и оставете ја да се излади.
9. За филот: на пареа изматете ги жолчките со 6 лажици шеќер во прав, ванилиниот шеќер и со мала шолја млеко. Варете и додајте 100 грама чоколадо искршено на коцки и продолжете да мешате додека да се растопи.
10. Оставете го садот настрана за да се олади смесата.
11. Маргаринот пенасто изматете го со миксер заедно со 2 лажици шеќер во прав. Додајте го оладениот чоколаден крем и матете со миксер додека се соедини смесата.
12. Тестото поделете го на три дела и исечете го.
13. Филувајте ја тортата помеѓу корите и одозгора.
14. Украсете ја по желба и оставете ја во фрижидер да се олади пред послужување.