За овој рецепт се потребни помалку од 40 минути

1. Прво се варат тортелините, се цедат и се тргаат настрана.
2. Во меѓувреме кромидот ситно се сечка и се пропржува во тава со загреано масло, па откако ќе омекне се додава печеницата (или свински врат по желба). Може наместо стар кромид да употребите млад.
3. Во друга подлабока тава се ставаат печурките исечкани на листови да се пржат, а откако ќе се испржат се додаваат кромидот и печеницата и се оставаат уште 5 минути заедно да се пропржат на тивок оган.
4. Се посолува и зачинува со вегета, босилек и малку лук во прав, а потоа се додава павлаката за готвење. Се вари додека ја добие потребната густина.
5. Тортелините се ставаат во длабока тава и се додаваат сосот од печурки, печеница, кромид и павлака.
6. Се варат уште малку, потоа се тргаат од оган и се сервираат со рендан пармезан или сечкан магдонос по желба.