За овој рецепт се потребни помалку од 90 минути

1. Тестото се меси од брашното, квасецот, печивото, јајцата, млекото, маслото и солта, па се става во фрижидер. Се мачка со масло за да не фати кора и се покрива со најлон кеса.
2. Тестото расукајте го на набрашнета површина и вадете кругови со помош на чаша.

3. Круговите тесто ставете ги во плех врз хартија за печење, намачкајте ги со малку масло и со виљушка направете дупки.

4. Печете ги во претходно загреана рерна на 200 степени околу 10 минути.

5. Во меѓувреме исчистете ги црешите од семки, ставете ги во сад со шеќерот, а може да ставите и ликер од цреши или вишни по желба. Оставете ги некое време да отстојат.

6. Изматете ја слатката павлака со миксер.

7. Извадете го тестото од рерна, оставете да се оладат, па потоа секое од круговите исечете го на половина.

8. Премачкајте еден дел од тестото со матената слатка павлака, додајте од смесата со цреши, покријте со друго парче печено тесто. Премачкајте го со уште еден слој шлаг, па цреши, па покријте со тесто. Завршете со шлаг и со цреши.

9. Постапката повторете ја додека да ги потрошите состојките. Ставете ги во фрижидер 30 минути пред сервирање.