За подготовка на овој рецепт се потребни помалку од 90 минути

1. Во подлабок сад измешајте ги омекнатиот путер, јајцето, жолчките, шеќерот во прав, сокот од лимон и мелените лешници. Смесата измешајте ја и добро соединете ги состојките.
2. Потоа постепено додавајте го брашното и замесете меко тесто. Тестото ставете го во проѕирна фолија и оставете го во фрижидер да отстои 1 час.
3. Отстојаното тесто префрлете го на набрашнета површина и расукајте го со дебелина од 1 сантиметар. Со модли со форма по желба, исечете го тестото и обликувајте ванилици.
4. Плех обложете го со хартија за печење и во него наредете ги ванилиците. Печете ги во загреана рерна на 180°C, околу 15 минути.
5. Печените колачиња оставете ги да се оладат, а потоа половина намачкајте ги со џем од кајсија и преклопете ги.