За овој рецепт се потребни помалку од 60 минути

1. Пилешките стекови се расекуваат попречно по должина и се чукаат со кујнски чекан.
2. Така добиените парчиња бело месо се премачкуваат со малку сенф, се зачинуваат со сол, вегета, бибер и кари, и тоа од двете страни, се виткаат во ролат секое посебно и се ставаат во сад покриен со најлонска фолија да отстојат преку ноќ.
3. На едно поголемо малку намастено парче фолија се редат 4-5 ленти од тенко исечената сланина.
4. Во спротивен правец од редењето на сланината се става пилешкото месо-отворено. На едниот крај ставаме парчиња фета сирење. Краевите малку ги свиткуваме кон внатре по должина и со помош на фолијата, убаво стегнати, ги виткаме во ролат.
5. Секој ролат го завиткуваме во фолија.
6. Така подготвените парчиња месо ги вариме во поголемо тенџере со зовриена вода околу 30 минути  на тивок оган покриени со капак, а повремено ги превртуваме од другата страна.
7. Потоа ги вадиме од водата, ја одвиткуваме фолијата, добро ги цедиме и ги пржиме малку во загреано масло колку да заруменат.