За подготовка на овој рецепт се потребни помалку од 40 минути

1. Се замесува меко тесто. Се остава да нарасне (додека не нарасне дупло). Потоа тестото се дели на четири дела. Се формираат топчиња и се оставаат уште десетина минути да нараснат.
2. Од топчињата од тесто се развлекува пита. Околу неа, од тестото се оформува венец.
3. Врз тестото се редат парчињата свинско месо, ситно исечкано и посолено и пастрмата (по желба). Се додава една полна лажица свинска маст и се распоредува низ целата пита.
4. Се става да се пече во загреана рерна на 250 степени. Кога малку ќе се запече, отприлика по десетина минути, се става едно до две разматени јајца и малку буковец (мелена пиперка). Се враќа во рерната и се продолжува да се пече.
5. Откако ќе ја извадиме од рерната, венчето на пастрмајлијата се премачкува со свинска маст, се завиткува во мрсна хартија и во чаршаф и се остава да омекне. Добар апетит!