За овој рецепт се потребни помалку од 120 минути

1. Квасецот се растопува во малку млеко и се остава да стаса. Потоа се додаваат млекото, маслото, јајцата, шеќер, сол и на крај брашното, па замесуваме тесто кое го оставаме да стаса 40 минути.
2. Во меѓувреме ги сечкаме шунката и сирењето и ги ставаме во сад настрана, а ситно исчеканиот спанаќ го мешаме со ренданиот кашкавал.
3. Кога тестото ќе стаса, се дели на три дела (два исти и еден помал). Во едниот се додаваат шунката и сирењето, а во другиот спанаќот и кашкавалот.
4. Од првото тесто формираме долга ролна која ја завиткуваме во другото тесто со спанаќ. Вака добиената ролна се става во плех и се формира венец.
5. Од малото тесто се расукува кора, се засекува на 8 дела и со неа се покрива венецот.
6. Врз погачата се редат вапцаните јајца и се пече на 180 степени околу 35 минути, а потоа на 150 степени уште 35 минути.