За овој рецепт се потребни помалку од 70 минути

1. Во сад со миксер изматете ги путерот (претходно омекнат на собна температура), шеќерот во прав, обичниот шеќер и солта додека добро се соединат.
2. Во друг сад посебно изматете 1 јајце, 1 жолчка и ванилата, па додајте ги во садот со путерот и матете уште 2-3 минути.
3. Додајте го и брашното и матете додека смесата добро се соедини.
4. Тестото формирајте го во топка, обвиткајте го со проѕирна фолија и оставете го во фрижидер да се лади 20-30 минути.
5. Тестото поделете го на 2 еднакви дела: првиот дел поделете го на 15 парчиња, а другиот дел оставете го во меѓувреме во фрижидер. На набрашнета површина секое парче формирајте го во долгнавести прсти со должина од 7-10 см.
6. Прстите редете ги во плех со хартија за печење и на секој од нив во средината со нож засечете неколку набори, цртки. Повторете ја постапката и со другото тесто.
7. Премачкајте ги со белката од јајце и ставете по една половинка бадем на секој прст (како нокт) и притиснете да се залепи.
8. Печете ги во рерна на 180 степени, околу 10-12 минути, па оставете ги целосно да се изладат пред послужување.