За овој рецепт се потребни помалку од 90 минути

1. Изматете 180 грама маргарин, додајте 250 грама омекнато чоколадо, шеќер, ќесиче ванилин шеќер, брашно и една по една жолчка.
2. Белките изматете ги со миксер во цврст снег и додајте ги во садот со чоколадото. Промешајте убаво со жица.
3. Соединетата смеса истурете ја во калап и печете ја на 160 степени, 1 час.
4. Кога кората ќе се олади, се сече попреку на половина со помош на конец или со голем нож.
5. Во друг сад ставете 1 лажица вода и мармалад од кајсија, па загревајте на оган за да се растопи.
6. Премачкајте ги изладените кори со топлиот прелив од кајсија. Колачот и одозгора се филува со мармалад.
7. Останатиот маргарин растопете го на умерен оган. Кога ќе зоврие, оставете го 2-3 минути, па тргнете го од оган и додајте го искршеното чоколадо и мешајте да се растопи.
8. Премачкајте го колачот со топлата глазура и оставете го да се олади.