За овој рецепт се потребни помалку од 60 минути

1. Киселата зелка убаво се пржи со 20 мл масло и малку бибер.
2. Во подлабок сад се истура 500 г од брашното, се прави длабнатина и од страните се ставаат шеќерот и солта. Посебно во 10 мл млака вода се раствора квасецот и се додава во брашното.
3. Се замесува тесто со постепено додавање на млака вода.
4. Потоа работната маса се попрскува со брашно и тестото се дели на 5 дела. За долната кора потребни се 4 топчиња, а за горната едно.
5. Топчињата се расукуваат во јајцевидна форма, се мачкаат со масло и се редат едно врз друго. Од нив се расукува една кора. Со сукалото кората се става полека во подмачканата тепсија, а краевите на кората треба да останат надвор од тепсијата.
6. Врз кората се нанесува филот од пржена зелка.
7. Последната кора се расукува многу тенко и се става врз зелникот. Краевите што висат надвор од тепсијата се превиткуваат за да се затворат горната и долната кора.
8. Зелникот се попрскува со масло и се пече на 180 степени, 40 минути.