За подготовка на овој рецепт се потребни помалку од 65 минути

1. Тиквата се лупи, се сече на парчиња и се ренда. Се додаваат 6-7 лажици шеќер и се меша.
2. Од брашното, квасецот и вода по потреба се замесува средно тесто. Се дели на шест топчиња.
3. Од секое топче се сука тенка кора и се остава на чаршав.
4. Се зема првата кора, се става на маса, се попрскува со масло, се превиткува на половина и пак се мрси. На кората се става фил од тиква, се витка во ролна, а ролната во круг и се става во тавче. Постапката се повторува.
5. Се пече во загреана рерна на 250°C околу 10 минути. Потоа се намалува температурата на 200°C и се пече уште 30-тина минути.
6. Испечениот зелник се вади од рерна, се попрскува со ладна вода и се покрива со крпа за да омекне.