За овој рецепт се потребни помалку од 60 минути

1. Свинското месо се сечка на коцки. Се пржи во маслото и во свинската маст додека добие убава, црвеникава боја.
2. Потоа во истиот сад се додаваат црвените суви пиперки (ситно исечкани). Сè заедно се пржи уште неколку минути.
3. Празот убаво се чисти, се мие и се сечка многу ситно. Се става во друга тава со масло, па се пржи.
4. Откако малку ќе се испржи празот, се додаваат прженото месо и сувите пиперки. Се мешаат добро, па се продолжува со пржење додека омекне празот.
5. На крајот откако сè ќе биде добро испржено, се додава една лажица црвен пипер. Се додава и вегетата, биберот, па сето тоа добро се промешува.
6. Потоа се додава малку вода и се остава на тивок оган да се динста.
7. Откако прженицата е речиси готова, се додава претходно измешаниот густин со малку вода. Се промешува повторно и потоа се става во рерна да се запече.