За овој рецепт се потребни помалку од 100 минути

1. Белките изматете ги со миксер, постепено додавајќи 300 г шеќер. Откако шеќерот ќе се растопи и убаво ќе ги изматите, додајте го оцетот и матете додека белките ја добијат потребната цврстина.
2. Во 3 калапи обложени со хартија за печење наросете по 1 лажица лебни трошки, па во калапите распоредете ја смесата од матени белки.
3. Ставете ги калапите во рерна и печете 15 минути на 150 степени.
4. Во тенџере на оган ставете 300 мл млеко и 100 г шеќер.
5. Во друг сад со жица за матење измешајте ги жолчките, ванилиниот шеќер, брашното и преостанатото млеко, па додајте ги во тенџерето со зовриеното млеко со непрекинато матење со жицата.
6. Откако кремот ќе ја добие потребната густина, тргнете го тенџерето од оган и оставете го кремот целосно да се олади.
7. Во сад за матење со миксер пенасто изматете го путерот, па додајте ги изладениот крем и румот. Матете со миксер додека филот се соедини.
8. Кивите и бананите излупете ги и исечете ги на тенки парчиња.
9. Во друг сад изматете ја павлаката додека ја добие потребната цврстина.
10. На чинија за торта ставете го првиот пандишпан и премачкајте го со филот, па врз филот наредете половина од кивите и премачкајте со изматена слатка павлака.
11. Ставете го вториот пандишпан, филувајте и врз филот наредете ги бананите и премачкајте со изматена слатка павлака.
12. Ставете го третиот пандишпан и целата торта премачкајте ја со преостанатиот фил и слатката павлака.
13. Декорирајте со преостанатите свежи киви и оставете ја тортата во фрижидер пред послужување.