За овој рецепт се потребни помалку од 30 минути

1. Јаболките излупете ги, исечете ги на четвртини и исчистете ги од дршките и семките, а потоа исечете ги на парчиња.
2. Јаболките ставете ги во тенџере, додајте го лимоновиот сок, белото вино, кафеавиот шеќер и сувото грозје.
3. Ванила стапчето преполовете го и извадете ги семките, па додајте го во тенџерето со јаболките, поклопете и гответе сè заедно на тивок оган  4-5 минути. Јаболките треба да омекнат, но не треба да се распаднат.
4. Потоа извадете ја ванилата, исцедете ги јаболките од течноста и зачувајте го настрана сокот во кој се готвеа.
5. Во сокот во кој се готвеа јаболките измешајте ја слатката павлака и распоредете ја смесата врз садовите за послужување.
6. Јаболките измешајте ги со исечканите ореви и додајте ги врз смесата со слатка павлака.
7. Кратко загрејте го јаболковиот цидер, па со него прелијте ја салатата и послужете ја веднаш.