За овој рецепт се потребни помалку од 60 минути

1. Во еден сад се ставаат мелените ореви, гризот и џемот од јагоди. Смесата убаво се меша.
2. Се става едната кора, се попрскува со растопен маргарин, врз неа се става другата кора, па на едниот крај се става од филот, потоа двете заедно се виткаат во ролат.
3. Постапката се повторува со сите кори.
4. Филуваните кори се редат во плех. Се сечат на долги ролни.
5. Врз исечените баклави, на секоја посебно се става по малку маргарин додека целиот не се потроши.
6. Баклавата се пече во рерна на 180 степени околу 40 минути.
7. Шеќерот (1 кг) се става во тенџере на рингла со 800 мл вода и се меша да се растопи и да се добие шербет.
8. Шербетот се истура, не премногу врел, врз малку оладената баклава. Се остава да впие, па се сервира.