За овој рецепт се потребни помалку од 60 минути

1. Во еден сад се ставаат јајцата, јогуртот, 2 чаши шеќер, маслото, сувото грозје, гризот, оревите, печивото, ванилиниот шеќер и се меша со лажица за да се добие хомогена смеса.
2. Во правоаголна тава прво се редат 3 кори една врз друга, се прскаат со масло, а потоа на секоја втора кора се нанесува од претходно приготвениот фил.
3. Така се редат корите додека се потрошат, а на крај се ставаат 2 кори да се покрие филот. Одозгора се попрскува со масло.
4. Се сече на парчиња и се пече на 200 степени околу 40 минути.
5. Шербетот се прави со тоа што 1,2 кг шеќер се става во тенџере со 1 л вода да се вари и се меша додека целосно се растопи.
6. Откако баклавата ќе се испече, се остава да се излади, врз неа се редат кришки лимон, а потоа се попарува со топол шербет.
7. Се остава баклавата да го впие шербетот, па се сервира.