Овој рецепт се подготвува за помалку од 70 минути

1. Загрејте ја рерната на 180 степени. Растопете го чоколадото на пареа, додајте го путерот и измешајте.
2. Со миксер убаво изматете 5 жолчки со 20 грама шеќер.
3. Белките матете ги со 60 грама шеќер додека не се направи цврста пена.
4. Потоа во белките додајте ги жолчките и рачно матете, а по нив додајте го и растопеното чоколадо.
5. Истурете ја смесата во калап намачкан со путер и печете 30 минути. Извадете го тестото од рерна и додека се лади подгответе го филот.
6. Ставете 50 грама од шеќерот во млекото и ставете ги на рингла да се загреат, а останатите 50 грама ставете ги во 4 жолчки и изматете ги.
7. Смесата од јајца и шеќер постепено додавајте ја во млекото и варете на потивок оган додека истата не се згусне. Потоа, тргнете го кремот од јајца и млеко од ринглата и оставете да се олади.
8. Желатинот подгответе го според упатството на пакувањето, со тоа што една лажица вода ќе ја замените со една лажица ликер од вишни.
9. Изматете ја слатката павлака во шлаг.
10. Растопениот желатин измешајте го со изматениот шлаг, а потоа целата смеса додајте ја во кремот од јајца, капнете неколку капки екстракт од бадеми и измешајте со лажица.
11. Врз печеното тесто прелијте го кремот и оставете го во фрижидер да се олади (задолжително до утрешниот ден). Тортата може да ја украсите со парченца чоколадо или какао во прав.