За овој рецепт се потребни помалку од 150 минути

1. Лимонот и портокалот се цедат и сокот се полева во сувото грозје, па се остава да отстои околу еден час.
2. Квасецот се замесува со киселата вода, маслото, шеќерот, ванилата, адитивот и малку брашно и се остава да стаса.
3. Се додава сокот од лимон и портокал и преостанатото брашно и се замесува меко тесто.
4. На крај се додава и сувото грозје, убаво се измесува и се остава да стаса еден час.
5. Откако тестото ќе нарасне, се размесува и се дели на топки. Топките се редат во плех една до друга и се оставаат да стасаат уште 15 минути.
6. Потоа погачата се пече 1 час на температура од 180 степени.
7. Испечената погача се премачкува со вода со малку шеќер и масло за да има поубав сјај.