За овој рецепт се потребни помалку од 3 часа

1. Најпрво главиците кромид се сечкаат на кругови и се редат во огноотпорна тава за печење, сè додека се покрие целото дно.
2. Ситно се сечка и магдоносот, како и чешнињата лук.
3. Рибите претходно треба да бидат добро исчистени и измиени. Се засекуваат преку средината и се полнат со сечканиот магдонос и со ситно сечканиот лук.
4. Потоа се премачкуваат со вегетата и се посолуваат.
5. Така наполнетите скуши се редаат врз сечкниот кромид во огноотпорната тава за печење.
6. Се додава една до две чаши бело вино, потоа една чаша вода и малку масло. Садот се покрива со огноотпорниот капак.
7. Така приготвени скушите се печат во загреана рерна околу 2 часа, а во меѓувреме кога ќе заруменат од едната страна, се превртуваат да се запечат од другата страна.
8. Може да ги сервирате со варени компири.