За овој рецепт се потребни помалку од 120 минути

1. Во 2 л вода ставете ги ловоровите листови, биберот, солта и исчистениот кромид, па откако водата ќе зоврие додајте го измиеното месо (ребра).
2. Поклопете го тенџерето и варете околу 1 час.
3. Исчистете ги морковите и исечете ги на тркалца, а измиениот карфиол поделете го на цветчиња, па додајте го во течноста заедно со смрзнатата боранија и грашакот.
4. Сето тоа варете го уште половина час.
5. Во меѓувреме проварете го млекото со исто толку вода, додајте малку сол и 30 г путер и на крај гризот. Со постојано мешање варете го млекото со гризот додека не почне да се одделува од дното на тенџерето.
6. Тргнете од рингла и во смесата додајте едно јајце, па добро измешајте ја целата смеса.
7. Откако смесата малку ќе се олади, додајте го и второто јајце и ситно сечканите магдонос и целер.
8. Зовријте еден литар солена вода, па со мали лажички вадете кнедли и ставајте ги во вриената вода. Варете ги на тивок оган 10-тина минути.
9. Извадете го месото од чорбата, одделете ги коските, а месото исечете го на коцкички.
10. Месото вратете го, додајте ги варените кнедли, а пред сервирање, чорбата посипете ја со ситно сечкан магдонос.