Овој рецепт се подготвува за помалку од 140 минути

1. Сланината потопете ја во вода и оставете ја да отстои барем 2 часа (а подобро и цела ноќ).
2. Измиената сланина исечкајте ја на коцки. Коцките ставете ги во подлабоко тенџере и додадете околу 1 литар вода (околу 3/4 од парчињата сланина да бидат потопени).
3. Ставете го тенџерето на силен оган додека да зоврие водата и повремено мешајте за да не загори. Кога ќе зоврие водата, намалете ја температурата и продолжете со варење на умерена температура. За ова време течноста прво ќе стане матна, а потоа ќе се избистри.
4. По околу 2.5 часа варење и откако ќе стане течноста бистра, исцедете ја маста во посебно тенџере. Чварките вратете ги во истото тенџере да се пржат се додека не добијат убава златесто-кафена боја, но со постојано мешање за да не загорат.
5. Кога чварките ќе потемнат, повторно исцедете ја маста и пржете ги уште 10 минути. После пржењето повторно исцедете ги, и притискајте ги со лажица (за гмечење компири за пире) за да се исцеди што е можно повеќе маст.
6. Исцедените чварки префрлете ги во посебен сад и веднаш посолете ги по вкус. Се служат и топли и ладни.