За овој рецепт се потребни помалку од 80 минути

1. Замесете тесто како за пита од јајцата, брашното, солта и водата.
2. Потоа оставете го да отстои околу 30 минути малку да омекне, па расукајте кора со дебелина околу 2 мм.
3. Од кората сечете квадратчиња со иста големина.
4. Фил: пенасто изматете ја жолчката, додајте го фета сирењето и ситно исечканиот лук измешан со суви зачини. Добро промешајте ја смесата.
5. На секое квадратче ставете по 1 лажичка од филот и тестото преклопете го во триаголник. Добро залепете ги краевите да не истече филот.
6. Во тенџере на оган ставете 1 и пол литар вода да зоврие. Во водата ставете малку масло и посолете ја.
7. Откако ќе зоврие водата, внимателно ставајте ги равиолите да се варат на умерен оган 15-20 минути со повремено мешање.
8. Сварените равиоли исцедете ги во цедалка. Потоа се сервираат прелиени со павлака или со тартар сос.