За овој рецепт се потребни помалку од 60 минути

1. Со миксер се матат состојките за бисквит кората. Се замесува и се става во тавче број 26 да се пече.
2. Пандишпан: јајцата се матат пенасто со 6 лажици врела вода. Им се додаваат шеќерот и ванилата, потоа и брашното, густинот и печивото.
3. Пандишпанот се става да се пече и откако ќе се испече, се витка како ролат во влажна крпа. Ролатот се премачкува со мармалад од кајсии, се посипува со кокос и се сече на 15 парчиња.
4. Бисквит-тестото се поставува на чинија за торта. Се мачка со мармалад од кајсии и врз него се редат парчињата ролат. Се филува со фил од пудинг од ванила, или пак, со матен шлаг.
5. Врз филот се става овошје и се украсува по желба.
6. Прелив: желатинот се раствара со 100 мл млака вода. Во сад се става 100 мл вода да зоврие, се истура растворениот желатин и се вари додека да стане проѕирен. Со постојано мешање се лади желатинот и се истура врз овошјето.