За овој рецепт се потребни помалку од 60 минути

1. Во малку масло пропржете го кромидот, па додајте го месото и испржете го. Додајте сол, бибер и вегета.
2. Компирите сварете ги и испасирајте ги, а потоа измешајте ги со месото.
3. Секоја од 8-те тенки кори за пита се сече на 6 дела (коцки). Се земаат по две кори (коцки) и се собираат во шолја со краевите однадвор, со вдлабнатина во средината.

4. Вдлабнатината се полни со филот, а потоа се виткаат краевите од корите кон средината, односно се покрива филот со корите и се премачкуваат со филот од јајце (1 матено јајце заедно со неколку лажици масло и неколку лажици млеко).

5. На плех се става мрсна хартија и бурекчињата се превртуваат, односно се вадат од филџанот и се ставаат на мрсна хартија. Одозгора се премачкуваат со преостанатиот прелив од јајца, се става сусам, ким или лен.

6. Така приготвени се печат во загреана рерна на 180 степени, 25 минути.

7. Плехот се вади од рерна и се премачкуваат со 2 дл превриена вода со 1 лажичка мешан зачин. Плехот се враќа во рерната и се допекува уште 10 минути.