За овој рецепт се потребни помалку од 90 минути

1. Лососот убаво се чисти и се посолува, па се пече додека кората стане крцкава.
2. Свежите сливи се сечат на половина, им се отстранува семката и се ставаат во тенџере да се варат со мед и шеќер. Се остава да се вари од 15 минути до половина час со привремено мешање додека сливите омекнат и пуштат малку сок. Можете да додадете и црно вино, меѓутоа со тој додаток слаткото треба подолго да се вари. Се додаваат прстофат сол и бибер.
3. Во меѓувреме се подготвува пире од компир – компирите се лупат и се сечат на средни парчиња, па се варат во солена вода додека убаво омекнат. Потоа се пасираат и постепено им се додава малку млако млеко, омекнат путер и сол.
4. Во друго тенџере се сечка кромидот и се пропржува со 2-3 лажици путер и масло. Се додаваат сечканите печурки, се додаваат лупени и сечкани целер и коријандер. Откако ќе се пропржат се додава 1 литар бело вино (уште подобро ароматично вино за готвење-Vermouth).
5. Се остава да се вари додека испари течноста повеќе од половина, па потоа се налева готова пилешка супа. Повторно се остава да испари супата и да се добие кремаста смеса. Потоа се зачинува со бел пипер, се додаваат малку масарпоне сирење и крем сирење. Повторно се зачинува со сол и бибер по вкус и на крај се цеди преку цедалка и добро се меша.