За овој рецепт се потребни помалку од 80 минути

1. Компирите сварете ги со лушпата или пак излупете ги и сварете ги во посолена вода.
2. Во друг сад сварете ги јајцата, а колбасите варете ги неколку минути во врела вода.
3. Компирот и колбасите исечете ги на тенки парчиња, а јајцата излупете ги и исечете ги на ист начин.
4. Посолете ги компирите, ставете им малку вегета и измешајте ги.
5. Намрсете со путер огноотпорен сад и додајте ред компири, па ред колбаси и на крај ред исечени јајца.
6. Истата постапка повторете ја уште еднаш, а потоа финиширајте со ред компири и парчиња шунка или пршута.
7. Изматете јајце, додајте му павлака и млеко и со добиената смеса прелијте го јадењето.
8. Печете на 180 степени околу 40 минути.