За овој рецепт се потребни помалку од 140 минути

1. Кромидот, компирот и морковот се лупат и се сечат на коцкички.
2. Во тенџере се ставаат 2 литри вода, па се става месото (говедското месо може да биде и со коски), кромидот, морковот и ловоров лист. Се поклопува со капак и се остава да врие на тивко околу 90 минути.
3. Откако месото ќе омекне, се вади од тенџерето и се остава да се излади. Се сечка на парчиња, па се враќа во тенџерето и се додаваат коцките компир. Се остава да се вари уште 30 минути.
4. Во меѓувреме во тава се загрева масло, па на умерена температура се запржува брашното.
5. Откако чорбата ќе се свари, се зачинува со сол и бибер по вкус и се запржува, па на крај се додава изматено јајце со павлака.