За овој рецепт се потребни помалку од 120 минути

1. Путерот стопете го во тенџере и пропржете го сечканиот кромид неколку минути. Потоа додајте го исечканото месо на средни парчиња и мешајте.
2. Кога месото ќе добие убава кафена боја од сите страни, додајте исечкана зелена пиперка или чили по желба. Пржете уште неколку минути.
3. Потоа додајте го доматното пире, мешајте неколку минути, додајте ги сечканите домати и гответе 5 минути.
4. Налејте со врелата вода и динстајте додека месото омекне, околу еден час. По потреба додавајте вода.
5.  Во меѓувреме измијте ги и избодете ги модрите патлиџани со вилушка на страните и ставете ги во рерна да се печат додека омекнат.
6. Оставете ги да се оладат, па излупете ги и испасирајте ги со вилушка во пире. Додајте го исцедениот сок од лимонот и пасирајте ги.
7. Во друга тава стопете путер и пропржете го брашното на ниска температура со постојано мешање. Потоа пополека налевајте го топлото млеко, измешајте со жица додека се соедини смесата и гответе 4-5 минути.
8. Потоа додајте го пирето од модри патлиџани и измешајте добро. Посолете, додајте бибер по вкус и изрендан кашкавал. Измешајте добро и гответе уште 2-3 минути.
9. На чинија ставете од пирето од модри патлиџани, па одозгора послужете го готовото јагнешко месо. Поросете со сечканиот магдонос и сервирајте го јадењето топло.