За подготовка на овој рецепт се потребни помалку од 90 минути

1. Загрејте ја рерната на 160°C.
2. Употребете три калапи за торта со димензии околу 20см во должина и 7см висина и обложете ги со намастена хартија за печење.
3. Во голем сад измешајте 1 и пол чаша шеќер, 1 чаша какао, 1 и пол лажичка сол, брашното, сода бикарбона, прашакот за печиво и 1 чаша омекнат путер на парчиња. Убаво соединете ги сите состојки со миксер околу 30 секунди за да добиете хомогена смеса.
4. Потоа едно по едно додавајте ги јајцата и мешајте со дрвена лажица. Додајте го грчкиот јогурт или павлака и 2 лажички екстракт од ванила и повторно миксирајте околу 1-1 и пол минута.
5. Смесата поделете ја на три еднакви дела и распоредете ја во трите подготвени калапи. Печете ги во загреаната рерна 30-40 минути, па потоа оставете да се изладат.
6. Во меѓувреме подгответе какао сируп: во тенџере измешајте половина чаша шеќер со 1 супена лажица какао. Налијте половина чаша вода и гответе на оган со повремено мешање додека шеќерот се растопи, па тргнете го тенџерето настрана.
7.  Подгответе го филот: белките од јајцата и 2 чаши шеќер измешајте ги и гответе ги на пареа со повремено мешање додека смесата убаво се соедини.
8. Потоа тргнете од оган и матете со миксер додавајќи постепено 2 чаши путер. Убаво изматете и оставете во фрижидер 10-20 минути, па повторно матете додавајќи го остатокот од путерот.
9. Откако ќе добиете убаво изматена смеса, додајте го претходно стопеното и малку оладено чоколадо. Измешајте со лажица и додајте 2 и пол лажици вода, 2 лажици какао, 1 лажичка ванила екстракт и пола лажичка сол. Мешајте додека добиете хомогена смеса.
10. Извадете ги калапите од рерна и ставете ги на голема чинија за торти, па оставете ги да се оладат.
11. Потоа најпрво со готварска четка премачкајте еден од пандишпаните со сирупот, т.е. смесата со вода, какао и шеќер. Потоа премачкајте со филот и поклопете со вториот пандишпан. Постапката повторете ја и на крај завршете и премачкајте ја целата торта со филот од чоколадо.