За овој рецепт се потребни помалку од 25 минути + 1 час да отстојат колачињата во фрижидер

1. Белките изматете ги во цврст снег, па додајте ги сокот (2 лажици) и ренданата кора од половина портокал.
2. Мелените бадеми измешајте ги со 250 грама шеќер и додајте ги белките. Промешајте со лажица.
3. Тестото замотајте го во проѕирна фолија и држете го околу 60 минути во фрижидер.
4. Загрејте ја рерната на 175°C.
5. Од тестото направете топчиња со големина на орев, извалкајте ги во преостанатиот шеќер и на растојание едно од друго, редете ги во плех покриен со намастена хартија. Одозгора малку притиснете ги.
6. Ставете ги колачињата да се печат во загреаната рерна околу 18-20 минути, а потоа оладете ги врз кујнска решетка.
7. Во меѓувреме помешајте ги шеќерот во прав со 2-3 лажици сок од портокал (може да биде и свежо исцеден или во пакување). Со глазурата премачкајте ги колачињата и посипете ги со исечкана кандирана кора од портокал.