За овој рецепт се потребни помалку од 150 минути

1. Јајцата и шеќерот се матат додека се стопи шеќерот, а потоа се додаваат маслото, млекото, квасецот, кората од лимонот и брашното. Се замесува меко тесто и се остава да отстои.
2. Стасаното тесто се размесува и се дели на 4 дела, а секој дел на уште 3.
3. Секој дел се расукува во долга лента, се премачкува со мармалад и се витка во ролат.
4. Од 3 ролати се плете плетенка и се остава да нарасне во подмачкан плех. Постапката се повторува 4 пати.
5. Се пече во загреана рерна на 250 степени околу 15 минути или додека зарумени, а потоа температурата се намалува на 175 степени и се допекува.
6. Кога козињакот ќе биде готов, се остава да се олади, се сече на парчиња и се служи со топло млеко.