За овој рецепт се потребни помалку од 3 и пол часа

1. Две чаши меко брашно, шеќерот, маслото, црвеното вино, квасецот, каранфилчето во прав и циметот се мешаат во чинија и се замесува средно тврдо тесто. По потреба се додава уште малку вино. Тестото се остава да отстои 30 минути.
2. Потоа повторно се премесува и се остава да отстои уште 30 минути. Нараснатото тесто и третпат се замесува и се остава уште 30 минути.
3. Тестото се расукува со сукало до дебелина на прст, па се филува со џем од шипка во кој е додадена лажица брашно.
4. Филуваното тесто се витка во штрудла и се става во калап за куглоф. Се остава уште половина час во калапот.
5. Рерната се загрева на 200 степени и куглофот се пече половина час. Потоа се намалува на 180 и се пече уште половина час.
6. Печениот куглоф се остава да се излади во калапот, па се вади и се посипува со шеќер во прав.