За овој рецепт се потребни помалку од 60 минути

1. Корите за лазањи обарете ги според упатството.
2. Пиперките испечете ги, па потоа излупете ги. Пред да ги лупите, за полесно да се излупат ставете ги во кеса откако ќе ги испечете и заврзете ја кесата, па оставете ги неколку минути така.
3. Во сад измешајте го ренданото сирење со 2 јајца и малку сол. Изматете со виљушка.
4. Во намрсен огноотпорен сад ставете една кора, премачкајте ја со филот, па ставете ред пиперки. Посипете со сечкана шунка и со сланина. Постапката повторувајте ја додека се потроши сиот материјал.
5. Завршете со кора, премачкајте ја со изматено јајце, изрендајте кашкавал и посипете со сусам по желба.
6. Печете ги лазањите во загреана рерна на 180 степени, околу 20 минути.