За овој рецепт се потребни помалку од 80 минути

1. Шампињоните исечкајте ги на листови, а модриот патлиџан на коцки.
2. Кромидот и лукот ситно исечкајте ги, а морковите и коренот од целер крупно изрендајте ги.
3. Пропржете половина од кромидот и лукот, па додајте ги морковите и целерот, зачинете со сол и бибер и измешајте.
4. Потоа додајте ги коцките модар патлиџан, па откако ќе се запржат додајте го меленото месо и промешајте. Оставете го месото да се запржи.
5. Откако и месото ќе се испржи, налејте 150 мл млеко и промешајте.
6. Потоа додајте ги виното, доматното пире и ајварот и промешајте.
7. Во друга тава на оган пропржете ги преостанатите лук и кромид, па додајте ги печурките и зачинете со сол, бибер, оригано и сув босилек.
8. Во тенџере на оган растопете го маргаринот и пржете го брашното со непрекинато мешање. Налејте 1 литар млеко, пармезан и промешајте.
9. Во длабок сад со жица изматете ги јајцата, па додајте 2 црпалки од бешамел сосот и размешаните јајца додајте ги во тенџерето со оган. Непрекинато мешајте додека сосот ја добие потребната густина.
10. Тргнете го сосот од оган, додајте ја киселата павлака и промешајте.
11. Тава за печење намастете ја со масло, покријте ја со фил од мелено месо, врз него нанесете од бешамел сос и прекријте со лазањи. Врз нив повторно нанесете сос, додајте од филот со печурки и изрендајте кашкавал.
12. Повторете ја постапката на редење уште еднаш, па печете ја лазањата 40 минути на 200 степени.