За овој рецепт се потребни помалку од 20 минути + неколку часа во фрижидер и замрзнувач

1. Орео колачињата искршете ги (или сомелете ги) и измешајте ги со растопениот путер. Може да користите и чајни колачи или бисквити.
2. Натапкајте ја смесата во правоаголен сад (33х22 см) врз хартија за печење, добро израмете и оставете ја во фрижидер 30 минути.
3. Путерот од кикирики растопете го во тенџерче на тивок оган, па измешајте го добро со сладоледот од ванила.
4. Смесата од путер од кикирики и сладолед распоредете ја врз слојот од колачињата и вратете во фрижидер уште 30 минути.
5. Чоколадото растопете го на тивок оган со слатката павлака и прелијте го врз колачот.
6. Одозгора наросете со сечкани кикирики и замрзнете го колачот 4 часа во замрзнувач.
7. Пред послужување одмрзнете го 10 минути на собна температура.