За овој рецепт се потребни помалку од 50 минути

1. Свинското филе се чисти од жили и од мрснотија, па се сече на медалјони.
2. Кромидот и печурките се сечат на коцкички.
3. Едниот домат се лупи и ситно се сечка, а другиот сосе кората се сече на кругови.
4. Тиквичките се мијат, им се отсекуваат краевите, па со помош на нож за лупење се сечат на тенки ливчиња.
5. Месото се зачинува по вкус и се пропржува во врел путер додека зарумени. Се вади од маснотијата и се остава на топло.
6. Во мрснотијата од месото се пржат кромидот и буковките околу 10 минути.
7. Се додава доматот, зачини по вкус и се динста додека омекнат печурките.
8. Пред крај се додава лажица брашно, па се продолжува со готвење, со непрекинато мешање, додека се згусне.
9. Смесата се претура во огноотпорен намастен сад.
10. Кашкавалот се сече на листови со големина на медалјоните.
11. На работната површина се вкрстуваат два листа тиквички. Се прекриваат со парче кашкавал, па се става медалјон.
12. Краевите на тиквичката се преклопуваат, па „пакетчето“ се превртува во тавата, така што завршетоците да бидат одоздола.
13. На истиот начин се обликуваат преостанатите медалјони.
14. Медалјоните се втиснуваат во смесата со печурки и се покриваат со кругови домат. Одозгора им се ренда уште кашкавал и се посипуваат со магдонос.
15. Се запекува во загреана рерна на 180°C, 30 минути.