За овој рецепт се потребни помалку од 55 минути

1. Карфиолот измијте го, исечете го и сварете го во солена вода.
2. Црниот лук ситно исечкајте го и пропржете го на масло, а потоа додајте 1 мала шолја измиен и исчистен ориз.
3. Доматот измијте го, исчистете го и исечете еден дел на коцкички, а другиот на кругови.
4. Потоа карфиолот, оризот, доматот исечкан на коцкички, солта, биберот и магдоносот наредете ги во огноотпорен сад и прекријте ги одозгора со кругови домат.
5. Прелијте во садот млака вода измешана со вегета колку да ја покрие содржината, а потоа врз јадењето прелијте и презла измешана со масло и ставете го садот во рерна да се запече додека да добие убава боја.