За овој рецепт се потребни помалку од 30 минути

1. Наутот, ако е готов и сварен од конзерва, исцедете го и исушете го. Во спротивно, ако треба да го варите, претходно оставете го преку ноќ да отстои во вода, а утредента сварете го со малку сол, исцедете го, исушете го и тргнете го настрана.
2. Во тава на оган загрејте маслиново масло, па пропржете ги исечканиот кромид, лукот и пиперката околу 4-5 минути со постојано мешање.
3. Додајте ги доматното пире (или исечкани домати, посолени) и доматниот сок и зачинете со шеќер, сол, кумин, црвен пипер, чили во прав или лута буковка, цимет. Мешајте да се соединат состојките.
4. Откако ќе зоврие смесата, гответе на умерен оган околу 2-3 минути со мешање, па додајте ги наутот и маслинките. Измешајте, па намалете го огнот и гответе го јадењето 15-20 минути.
5. Вкусете дали фали сол или некој друг зачин, па потоа сервирајте го јадењето со крцкаво лепче, може како сос со тестенини или со ориз. Гарнирајте по желба со уште маслинки, коријандер или магдонос и со лимон.