За овој рецепт се потребни помалку од 80 минути

1. Во еден сад се соединува меленото месо со сечкана главица кромид, лебни трошки, 1 јајце, сол, бибер, вегета, буковец и малку прашак за печиво. Смесата добро се меси за да се соедини и да биде погодна за обликување топчиња.
2. Со намастени раце се формираат топчиња, се расплескуваат на дланката, потоа на секое од нив се става по лажичка кајмак. Повторно се обликуваат во топчиња, па се завиткуваат во лента кашкавал или во лента сланина.
3. Се ставаат во намастен калап за мафини (завршетокот на сланината да остане од долната страна).
4. Се печат во загреана рерна на 200 степени, околу 50-60 минути додека да заруменат.