За овој рецепт се потребни помалку од 90 минути

1. Замесете тесто од брашното, 120 г шеќер, путерот и жолчките. Тестото оформете го во топка и оставете го во фрижидер 30 минути.
2. Во меѓувреме исечете го свежото овошје на половина, исчистете го од семките, лушпите и дршките и исечете го на коцки. На коцки исечете ги и сувоте кајсии, па соберете ги сите состојки во еден сад. Измешајте ги со останатиот шеќер, зачините и ренданата кора од еден лимон.
3. Тестото поделете го на два дела, расукајте го и со едниот дел прекријте една тава со дијаметар од 24 см. Избодете го дното со вилушка и ставете го овошјето. Прекријте ја питата со второто тесто и добро зацврстете ги рабовите. Во средина на тестото направете мал засек за да може низ него да излегува пареата за време на печењето.
4. Ставете ја питата во загреана рерна на 180 степени и печете ја 50 минути. Оставете ја да се подолади, па сервирајте ја.