За овој рецепт се потребни помалку од 90 минути

1. Со жица за матење изматете ги јајцата. Додајте ја во нив и киселата павлака, дробеното сирење и посолете по вкус.
2. Потоа во смесата додајте и прашак за печиво и една лажица масло, па полека измешајте за да се соедини смесата.
3. Со масло премачкајте една кора, поклопете ја со друга кора и таа намачкајте ја со масло.
4. Посипете ја кората со половина од исечканите, претходно печените и исчистени пиперки.
5. Врз пиперките ставете ја третата кора, па премачкајте ја кората со масло. Ставете ја четвртата кора и премачкајте ја со масло, па рамномерно распоредете половина од филот со јајца.
6. Поклопете со кори и премачкувајте ги со масло. Повторете ја постапката до шестата кора. Таа премачкајте ја со 2 лажици ајвар.
7. Филуваните кори свиткајте ги во ролат.
8. Повторете ја постапката со останатите состојки.
9. Пред печење на ролатите, премачкајте ги со масло и посипете со сусам, па печете ги во загреана рерна во тавче врз хартија за печење на 200 степени.
10. По половина час, извадете ги ролатите од рерната и премачкајте ги со останатиот фил од јајца, па допечете ги уште 20 минути.