За овој рецепт се потребни помалку од 70 минути

1. Пилешкото месо исечкајте го на коцки и зачинете го со сол и бибер. Оставете го да ги впие зачините, па потоа сомелете го во блендер.
2. Ситно исечканото чешне лук пржете го на загреано масло во тава на оган, додајте го исечканиот праз, па откако ќе омекнат додајте го месото додека убаво зарумени.
3. Шампињоните исечкајте ги на листови, додајте ги во тавата и посолете.
4. Додајте ги и свежите исечкани магдонос и мајчина душичка откако течноста од шампињоните ќе испари во тавата. Тргнете ја тавата од оган.
5. Во сад изматете ги јајцата со виљушка, па додајте ги во тавата и промешајте го филот.
6. Наредете 3 кори една врз друга, премачкајте ги со мешавина од 150 мл масло и газирана вода и оставете ги настрана. Земете други 2 кори и на крајот од корите ставете од филот и свиткајте ролат. Ролатот ставете го врз трите кори. На истиот начин формирајте уште 5 ролати од по 2 филувани кори.
7. Во форма на пирамида наредете ги врз првите 3 кори, потоа од корите виткајте голем ролат.
8. Ставете го ролатот во тава обложена со хартија за печење, премачкајте го со мешавината од вода и масло и печете го во рерна на 200 степени околу 40 минути.