За овој рецепт се потребни помалку од 45 минути + 3 часа за тестото

1. Брашното измешајте го со прстофат сол и во центарот направете вдлабнатина.
2. Квасецот растопете го со пола чашка млака вода и масло, па додајте го во средината кај брашното.
3. Додавајќи вода по потреба, замесете меко тесто. Почнете со месење од брашното кон квасецот и додавајте по малку вода.
4.  Од изработеното тесто формирајте топка, набрашнете ја, покријте ја со влажна крпа и оставете го тестото да стасува на топло место околу 2 и пол часа.
5. Потоа набрашнете ја работната површина и расукајте го стасаното тесто во правоаголна форма.
6. Тестото ставете го во соодветен набрашнет плех и оставете го да отстои уште 20 минути.
7. Во меѓувреме измијте ја брокулата и пропржете ја во тава со загреано масло во која пропрживте претходно едно чешне лук. Гответе ги брокулите додека да испари вишокот течност.
8. Тестото покријте го со исечкани парчиња рикота сирење, со пропржените парчиња брокула, колбасот излупен и исечкан, доматите на кои претходно им ги извадивте семките, ситно сечканиот магдонос, ренданиот пармезан и одозгора посипете го со маслиново масло.
9. Пицата печете ја во загреана рерна на 250 степени околу 35 минути.