Овој рецепт се подготвува за помалку од 70 минути

1. Исчистениот крап го посолуваме и од внатрешната страна и го наросуваме со бибер. Потоа го засекуваме на неколку места, а во засеците ги редиме чешнињата лук и парчињата лимон.
2. Потоа сиот зеленчук ситно се сечка и се пропржува на загреано масло по следниот редослед: прво кромидот, па се додава лукот, морковите, пиперката, доматот и на крај се додава магдоносот.
3. Зеленчукот го посолуваме и го зачинуваме со бибер и со вегета. Со лажица целата содржина во садот убаво ја промешуваме и оставаме да се динста. Кога зеленчукот убаво ќе омекне и ќе се изедначи, додаваме 1 лажичка брашно и 1 лажичка црвен пипер.
4. Тавата за печење ја попрскуваме со масло. Крапот го полниме со содржината од зеленчукот и го ставаме во тавата. Налеваме малку вода и бело вино и печеме во загреана рерна на 180 степени 50 минути.