За овој рецепт се потребни помалку од 60 минути

1. Секоја од тиквичките се сече на 4 дела (се преполовува по должина, па на 2 дела). Се издлабуваат во средината да остане место за полнење.
2. Во тава се загева масло, па се додава ситно сечкан кромид и се пржи додека пожолти.
3. Се додава меленото месо и се продолжува со пржењето.
4. Откако месото ќе се испржи, се додава исчистениот ориз, исчистените и исечкани тркалца бамји, потоа се додаваат зачините – сол, вегета, бибер, исечкан магдонос и една лажица црвен пипер.
5. Се додава и исечканата средина од тиквичките, па сè убаво се промешува.
6. Со овој фил се полнат тиквичките, потоа се редат во тава за печење, се додава топла вода колку да ги покрие.
7. Се печат на 200°C околу 40 минути.