За овој рецепт се потребни помалку од 2 часа

1. Рибата се лупи, се мие и се остава да се исцеди. Лимонот се сече на тркалца, па на половинки, а морковите се сечат на долгнавести парчиња.
2. Се сече од алуминиумска фолија парче потребно колку да се завитка едно парче риба. Рибата не се сече на помали парчиња.
3. Ослиќот се става на фолијата, се посолува, се премачкува со маслото, потоа се додава морковот, две парчиња од лимонот и на крај ситно сечкан магдонос.
4. Секое посебно парче ослиќ се завиткува со фолијата и се реди во тавче, кое не се подмачкува.
5. Сите парчиња се печат во рерна на 200 степени околу 1,5 до 2 часа. Испечениот ослиќ се сервира врз листови марула со парчиња лимон.