Овој рецепт се подготвува за помалку од 180 минути

1. Ставете ја топлата вода и шеќерот во еден сад. Додајте го квасецот во прав, промешајте и оставете да отстои 5-10 минути.
2. Во меѓувреме стопете 6 супени лажици путер во микробранова печка.
3. Кога смесата со квасецот ќе биде готова додајте ја матеницата, јајцата и путерот и матете со миксер. Постепено додавајте 4 чаши брашно, една по една. Додајте и сол.
4. Кога брашното ќе биде убаво измесено, додајте го останатиот дел од брашното и убаво замесете тесто кое не треба да лепи и да може да се формира топка од него. Значи вкупно ќе бидат потребни околу 5 и пол чаши брашно.
5. Стопете една лажица путер и ставете го путерот во поголем сад. Ставете го и тестото, гледајте да биде премачкано од сите страни со путер, покријте го со фолија и оставете го да стои на топло 60-90 минути.
6. Во меѓувреме соединете го кафеавиот шеќер, циметот и нишестето. Промешајте ги убаво и тргнете ги на страна.
7. Од кога ќе отстои тестото расукајте го со сукало во четвртаста форма, но внимавајте да не е предебело или претенко. Премачкајте го со омекнат путер. Поросете со смесата со цимет и убаво натапкајте ја со сукалото за да не се одлепи.
8. Тестото смотајте го како ролат. Исечете го ролатот на 12 парчиња.
9. Плех за печење премачкајте го со путер и наредете ги ролните. Покријте го плехот со хартија и со крпа и оставете ролните да отстојат 60-90 минути за двојно да пораснат.
10. Загрејте ја рерната на 180 степени и печете ги ролните околу 20 минути. На средина од печењето свртете ја тавата и продолжете со печењето.
11. Во меѓувреме подогответе го преливот. Крем сирењето и путерот ставете ги во сад и матете ги со миксер. Додајте ги шеќерот во прав, сокот од лимон, екстрат од ванила и малку сол и убаво промешајте.
12. Кога ќе ги извадите ролните од печење премачкајте ги со пола од филот, а кога малку ќе се подоладат премачкајте ги со останатиот дел.