Овој рецепт се подготвува за помалку од 45 минути

1. Исечете ги тиквичките на тенки парчиња и испечете ги на скара.
2. Измешајте ги сите состојки за филот – рикота, сол, бибер, лук во прав, сечкан магдонос и чувајте ги во фрижидер.

Сос:

1. На малку масло пропржете ситно исечкан лук да замириса. Додајте ги излупените домати, сол, бибер, малку лута пиперка и варете 10 минути да згусне сосот. На крај посипете ситно сечкан босилок.

Завршна постапка:

1. Во калап за печење ставете половина од сосот од домати. Печените тиквички наполнете ги со филот од сирење. На едниот крај од тиквичката ставете една лажица фил од сирење и замотајте ролничка. На ист начин филувајте ги и преостаните ролнички и наредете ги една до друга врз приготвниот сос.
2. Прелијте со преостанатиот сос и на секоја ролничка ставете парче моцарела. Печете во загреана рерна на 200 степени околу 20 минути.