За овој рецепт се потребни помалку од 45 минути

1. Исчистете ги печурките со влажна крпа. Една цела печурка оставете настрана, а другите исечете ги на парчиња.
2. Средината од леб исто така исечете ја на мали коцки, соберете ги во еден сад парчињата леб и полијте ги со млекото.
3. Излупете го и исечкајте го кромидот и пропржете го во тава со 30 г путер, заедно со излупениот и згмечен лук, неколку листови жалфија и гранчето рузмарин.
4. Додајте ги исечканите печурки и пржете ги на силен оган околу 10-тина минути. Зачинете ги со сол и бибер, отстранете ги лукот, жалфијата и рузмаринот од тавата и тргнете ја од оган.
5. Рерната загрејте ја на 190 степени.
6. Лебот исцедете го од млекото, вратете го во садот и додајте ги пржените печурки, јајцата, кашкавалот, исечканиот магдонос, солта и биберот. Добро измешајте ја смесата.
7. Прекријте со масна хартија еден длабок и долгнавест калап, со зафатнина од 1 литар.
8. Сланината исечете ја на тенки ленти и со неа прекријте го калапот, така што краевите ќе висат преку рабовите.
9. Наполнете го калапот со смесата, во средината ставете го вргањот, кој го оставивте настрана, па добро израмнете ја површината.
10. Свиткајте ги навнатре краевите од сланината, кои висат преку рабовите на калапот, па ставете го колачот во рерна да се пече половина час.
11. Потоа извадете го калапот и оставете го колачот да отстои кратко време, префрлете го во чинија и исечете го на парчиња.